بسم الله الرحمن الرحيم
عنوان المدونه معبر وبشده عن الظروف التي يعيشها الشباب المصري وهي الحيره في اتخاذ قراراته الشخصيه في حياته العامه في تلك المدونه ساتكلم عن حيرته بالنسبه لشئ واحد فقط هو البقاء ام الرحيل وساتكلم عنهم نتيجه لحيرتي الشخصيه في هذا الامر
ما المقصود بالبقاء وما المقصود برحيلالبقاء هو التواجد في ظل تلك الظروف التي تعيشها البلد من انقسامات سياسيه والتي تؤثر علي الوضع الاقتصادي للبلد بشكل ملحوظ مما تؤدي الي انخفاض تكاد تصل بالفعل الي العدم من تواجد فرصه للعمل في داخل البلد .
فهناك نوعان .
- النوع الاول من الشباب داخل مصر : - شباب تامل بلالتحاق بوظيفه مناسبه تساعدهم علي البدء في حياتهم الخاصه ومن ثم تكوين اسره ويكون فكر ذلك النوع شئ من اثنين
* الاول سلبي : - وهو ماشي بمبدا اهي وظيفه والسلام واعيش عيشه اهلي الموظفين اروح الشغل واجي من الشغل وباخد مرتب اخر الشهر ومليش دعوه الشركه او المكتب او المؤسسه الي انا فيها تكسب تخسر ماليش دعوه.
* الثاني الايجابي: - وهو ماشي بمبدا الحلم في الترقي او التدرج الوظيفي وده بالطبع افضل بكتير من النوع الاول لانه بيكون مجتهد ومهتم بالعمل وبيحاول يظهر ده للمسئولين في محاوله للترقي الوظيفي وايضا المالي
- النوع الثاني : - شباب تامل بانشاء مشاريعهم الخاصه والتي تؤدي ايضا بمساعدتهم علي البدء في حياتهم وتكون اسره وايضا هو نفس الحال منقسمين الي قسمين
* الاول : - شخص بعد انتهائه من دراسته وبدايه تفكيره في العمل وجد من سبقه قد قام بشئ من تجاره او بفكره وهناك ايضا نوعان
النوع الاول : - شخص سليبي طلع لقي والده او احد اقاربة صاحب منشاه او مشروع فظل يعمل به كأي موظف والسلام ولم يقدم جديد
النوع الثاني : - شخص ايجابي طلع لقي والده او احد اقاربه صاحب منشاه او مشروع فعمل به وقام علي التطوير حتي احدث ما عجز عنه الاخريين
* الثاني : - شخص بعد انتهائه من دراسته وبدايه تفكيره في العمل لم يجد من سبقه ووجد نفسه انه هو من سيبدء ليترك لمن خلفه شئ او بمعني بسيط هيبدء من اللاشئ وتبدء من هنا الحيره ياتري انا هبدء في ايه وهعمل ايه تلاقي ناس نوعان ايضا
النموذج الاول : - لو طبقه موظفين والمشكله للاسف ان اغلبيهم من اهلك يقولولك لا بلاش تبدء في اي مشروع انت توجع دماغك ليه متخليك موظف دور علي شغل وريح بالك تبقي ليك مواعيد عمل ومرتب ثابت وتريح بالك وتلقيهم وقفين امامك وبكل قوه علشان متبدءش ويفضلو يجبولك نماذج عن ناس حولت تعمل مشاريع وفشلت والاغرب انهم بيكونو عرفين بردوه نماذج اخري لناس بدءو ونجحو بس للاسف لما تقولهم كده يقعدو يتحججو باي شئ عن نجاحه اما عن النماذج التي لم يكتب لها النجاح فهو ده الي لازم يقنعوك به ويخوفوك من البدء ولو ربنا كرمك وكنت قوي وقدرت تواجههم وتتناقش معاهم تلاقيهم غير الاسلوب في اقناعك بسؤال معظم الشباب الي حبو يبدءو مشاريعهم الخاصه اتسألو هذا السؤال انت حابب تعمل ايه وياتري بتفهم في بمقدار ايه واول ما تجاوب يقولولك وبدون اى تردد انت خبرتك بسيطه ده لازم علي الاقل تكون اشتغلت في المجال ده سنين وسنين وده مش خطا وانا متفق معاهم في هذا بس للاسف اغلبيه الاهالي فكرين ان اولادهم عاوزين يبتدو كبار لا دهما عاوزين مجرد يبدءو لو حتي من تحت الصفر بمراحل وتبدء رحله الشاب المصري مابين الحيره في اتخاذ قراره
النموذج الثاني : - وده بقي النموذج المضاد للنموذج الاخر وفي الاعلب بيكون الاهل من طبقه التجاريين اصحاب المشاريع فبتلاقيهم عندهم روح المغامره وبيحاولو يساعدو اولادهم للبدء بس بتظهر مشكله وهي كلمه معروفه جدا في مصر ( عاوز تسيب كار ابوك وتشتغل في كار تاني ) وتبدء رحله عذاب مع الشاب في مواجهه اهله لحين البدء ده لوربنا كرمه ومتكسرش مقديفة
- النوع الثاني من الشباب داخل مصر : - وده بقي الي بقي كتير جداااا الان هو الي عاوز يسيب البلد ويمشي يدور علي اي عمل في اي بلد عربي او غربي اهي اي حاجه والسلام وتبدء رحله بحث علي مكاتب السفريات في محاوله للوصول لعقد جميل وهنا مفيش غير نوع واحد فقط هو الشاب الي عاوز يمشي وخلاص لانه زهق ولو ربنا كرمه وسافر يبدء رحله كفاح فى القربه قصدي الغربه
انا حبيت بس في الاول اعرفكم احوال الشباب وافكارهم داخل المجتع المصري في ظل الظروف ده وفي طبعا شباب انا مش حابب اتكلم عنهم خالص ويكفي اني اعرفهم بجمله واحده ( شباب ارادو ان يكونو لاشئ )
المشكله في الموضوع ان الاراء مختلفه جدا ما بين الشباب فيما يفضلون لو تكلمت عن البقاء داخل مصر في ظل تللك الظروف وتختار يتبدء في مشروعك او تبحث عن وظيفه تلاقي طائفه من الشباب كتيره تخبرك بجملتين
الاولي حول الوظيفه ( هي البلد فيها شغل )
الثانين حول مشروعك ( يا اخي ده كبار المستثمرين المصريين والاجانب موقفين الاستثمار داخل البلد انت عاوز تبدء انت عاوز تضيع كل فلوسك وترجع تبيكي )
اما بقي لو اتكلمت عن السفر كحل تلاقي ايضا طائفه كبيره جدا من الشباب يقولولك انت عاوز تسيب بلدك في ظل الظروف ده وتهرب وشباب تانيه تقولك انت فاكر ان الي بيجمع فلوس من الغربه ده بيجمعها بسهوله ده علي حساب صحته واكله وتلاقي ناس تانيه بتقولك سؤال يجعلك في حيره طب انت هتسافر واكيد لازم هترجع طب لما ترجع عمرك هيبقي قد ايه هتكون كبيرت ومهما كان معاك من فلوس فهتحتاج انك تشتغل فالطبيعي انك مش هتلاقي شغل لحكم سنك اما لو كنت هنا من الاول واشتغلت من شبابك في شركه اكيد زمانك دلوقتي فيها وليك معاش وتامين .....الخ
هي ده الحيره الي انا بتكلم عنها حيره البقاء ام الرحيل والي معظم الشباب وانا اولهم مش عارفين نعمل فيها ايه ولا نتخذ قرا
اسف للاطاله : الفقير الي الله - محمد صلاح محمد
0 التعليقات:
إرسال تعليق